أخبار وطنية محسن مرزوق يقدم الحلول من أجل تجاوز الأزمة المالية
قدّم الأمين العام لحركة مشروع تونس محسن مرزوق الخميس 27 جويلية من خلال تدوينة نشرها على صفحته الرسمية بالفايسبوك مجموعة من الحلول لتجاوز الأزمة المالية التي تعيشها البلاد وذلك تفاعلا مع تصريحات وزير المالية بالنيابة التي اكد فيها وجود عجز مالي خانق.
وقال محسن مرزوق ما يلي:
" في كلمتين الدولة ولات ماليا تخدم كل نهار ونهارو يعني في جويلية نتسلفوا باش انخلصوا شهريات أوت وسبتمبر
هذي وضعية خطيرة جدا جدا ولأبعد حد كنّا نبهنا ليها أكثر من مرة في المدة الفائتة
توة يلزم حلول وهي موجودة
أولها تبديل طريقة الحكم والنَّاس الي حكمت في السنين الي فاتوا خاطرهم هوما المسؤولين على الكارثة
اثنين يلزم النقابة تساهم في الحل
ثلاثة يلزم مصارحة الشعب بالحقيقة باش يعرف أش يلزمنا نعملوا الكل مع بَعضُنَا
رابعا وضع وتنفيذ مخطط إنقاذ مهما كان يوجع اساسه محاربة الفساد بشكل شامل موش انتقائي وتطبيق القانون في الجباية مثلا وتقاسم التضحيات بعدالة والاصلاحات
ولكن قبل هذا باش ما نوليوش نغشوا في الناس يلزم المسؤولين على هذه الوضعية يتحملوا مسؤوليتهم وعلى الأقل يبعدوا على السلطة الي أساؤوا استعمالها من عام 2012 حتى اليوم".
